North Face geyim firması Vikipediyadan üzr istədi

North Face şirkəti: “Biz Vikipediyanın missiyasına dərindən inanırıq və bu prinsiplərə zidd olan fəaliyyətdə iştirak etdiyimizə görə üzr istəyirik.”
0
97

North Face geyim firması öz məhsullarının fotolarını Google axtarışında daha nəzərə çarpan etmək üçün Vikipediya ilə manipulyasiya etdiyinə görə üzr istəyib.

Şirkətin reklam işləri ilə məşğul olan agentlik, onun geyimlərini geyinmş modellərin təbiət ərazilərində çəkilmiş şəkillərini Vikipedia səhifələrində yerləşdirib.

Bu haqqda yazılmış videoda agentlik nümayəndələri həyata keçirdikləri pulsuz əməliyyatın şirkətin reytinqini dəfələrlə artırdığını qeyd ediblər. Vikimediya fondu və ictimayət tərəfindən tənqid edildikdən sonra North Face üzr istəməli olub.

Reklam agentliyinin Braziliyada fəaliyyət göstərən övlad şirkəti olan Leo Burnett Tailor Made hələ aprel ayında Vikipediya səhifələrində şəkil yerləşdirməyə çalışaraq, məşhur və uzaq yerlərin tarixini izah etməyə çalışmışdır.

Onlar, Vikipediyadan istifadə ilə axtarış reytinqini sındırmağa müvəffəq olduqlarını billdimişdilər.

Bunun üçün North Face yazılı geyimlərdə olan modellərin şəkilləri 15-dən artıq məşhur yerdə, o cümlədən Quarita Dövlət Parkı, Mampituba mayakı, Kabo yarımadası və Kuillin dağında çəkilmiş və Vikipediyaya yüklənmişdir.

Əsası ABŞ-da qoyulmuş North Face şirkəti geyim istehsalına başlamazdan əvvəl dağçılıq üçün istifadə olunan əşyaların istehsalçısı kimi tanınmışdır.

Vikipediyann yaradıcısı və idarəçisi olan Vikimediya Fondu isə öz növbəsində Vikipediya ilə bu cür manipulyasiyanı qeyri-etik adlandırmışdır: “Onların etdikləri dövlət mülkiyyətinə xələl gətirilməsinə bənzəyir. Məzmuna sırf reklam xarakteri daşıyan əlavələrin əlavə edilməsi Vikipediyanın neytral faktiki biliklər vermək siyasəti ilə ziddiyyət təşkil edir.”

Ciddi tənqid atəşinə tutulması North Face şirkətini üzr istəməyə məcbur edib. “Biz Vikipediyanın missiyasına dərindən inanırıq və bu prinsiplərə zidd olan fəaliyyətdə iştirak etdiyimizə görə üzr istəyirik.” deyə şirkətin Twitter hesabında yazılmışdır.

Mənbə: BBC

Leave a reply