2019 Yay Vikidüşərgəsi Şamaxıda baş tutdu.
2019 Yay Vikidüşərgəsi adı altında təşkil olunan tədbir Sumqayıt Texnologiyalar Parkının dəstəyi ilə baş tutdu. Düşərgədə 10 yeni və 25 təcrübəli istifadəçi iştirak etmişdir. Düşərgə müddətində “Vikistatistika”, “Vikipediyanın təbliği”, “Vikitəhsil” və “Vikicəmiyyət və Vikimedia hərəkatı”, mövzularında çıxışlar təqdim olundu. Texnologiya mövzusunda 30-dan artıq məqalə yaradıldı və Vikianbara 300-dən artıq şəkil yükləndi.
Düşərgə zamanı, həmçinin, iştirakçılar Şamaxı şəhərinin tarixi-mədəni abidələrini, Şamaxı Cümə məscidini, Yeddi Gümbəz məqbərə kompleksini, Şahxəndan türbəsini, Şamaxı Tarix-Diyarşünaslıq Muzeyini, Dəmirçi kəndini və kəndin Arxeologiya muzeyini və Pirqulu qəsəbəsini ziyarət edərək Vikipediyada istifadə edilmək üçün fotoşəkillər çəkdilər.
Düşərgənin sonunda iştirakçılar sertifikatlarla mükafatlandırıldı.
